ايل اين جي معاهدي ۾ مبينا بي ضابطگيون: سپريم ڪورٽ وزير اعظم خلاف درخواست ٻڌڻي لاءِ منظور ڪري ڇڏي، ٽي رڪني بئنچ قائم

اسلام آباد (بيورو رپورٽ) ايل اين جي معاهدي ۾ بي ضابطگين بابت وزير اعظم خلاف درخواست ٻڌڻي لاءِ منظور ڪندي سپريم ڪورٽ جي ٽي رڪني بئنچ قائم ڪئي وئي آهي. سپريم ڪورٽ ۾عوامي مسلم ليگ جي سربراهه شيخ رشيد جي داخل ڪرايل درخواست ٻڌڻي لاءِ منظور ڪندي ٽه رڪني بينچ جوڙي وئي آهي. چيف جسٽس ميان ثاقب نثار جي سربراهي ۾ سپريم ڪورٽ جي ٽي رڪني بينچ 12 فيبروري کان ڪيس جي ٻڌڻي ڪندي، عوامي مسلم ليگ جي سربراهه شيخ رشيد درخواست ۾ موقف اختيار ڪيو هو ته ايل اين جي جي غيرقانوني معاهدي سان پاڪستان کي اربين ڊالرز جو نقصان ٿيو،ڦريل دولت ضبط ڪري وزيراعظم شاهد خاقان کي نااهل ڪيو وڃي. واضح رهي ته شيخ رشيد قطر سان ڪيل ايل اين جي معاهدي کي تاريخ جو سڀ کان وڏو فراڊ قرار ڏئي وزيراعظم خلاف سئو ارب رپين جي ڪرپشن جو الزام لڳايو هو

Full Article..

بلوچستان جي نئين حڪومت ۾ به بغاوت، ڪابينه جي ناراض 8 ميمبرن الڳ ٿيڻ جي ڌمڪي ڏئي ڇڏي

ڪراچي( م ڊ) بلوچستان جي نئين حڪومت به شروع سان ئي مسئلن جو شڪار ٿي وئي آهي. نئين وڏي وزير کان ان جي ڪابينه جا ميمبر ناراض ٿي ويا آهن انهن کي شڪايت آهي ته انهن بدران ِغِير واسطيدار ماڻهن کي اهميت ملي رهي آهي. هڪ خانگي ٽي وي پنهنجي رپورٽ ۾ ڄاڻايو آهي ته ڪابينه جي 8 ميمبرن هاِڻي سان حڪومت کي الوداع ڪرڻ جي ڌمڪي به ڏئي ڇڏي آهي. رپورٽ ۾ ذريعن جي حوالي سان ڄاڻايو ويو آهي ته ثناءُ الله زهري کي آئوٽ ڪري وڏو وزير ٿيندڙ عبدالقدوس بزنجو لاٰٰءِ باغي ميمربن خطري جي گهنٽي وڄائي ڇڏي آهي.8 وزير ۽ مشير پنهنجي حڪومت کان ناراض آهن. گهرو وزير سرفراز بگٽي ، زراعت جي وزير جعفر مندو خيل، صحت واري وزير ماجد ابڙو، ناڻي واري وزير ڊاڪٽر رفيعه هاشمي ۽ ماحُوليات واري وزير پرنس احد علي حڪومت کي پنهنجي خدشن کان آگاهه ڪري ڇڏيو آهي.ڪاوڙيل ميمبرن جو موقف آهي ته نوڪريون لڪايون پيون وڃن. ڪامورا شاهي سهڪار نه پئي ڪري. چونڊيل ميمبرن کي اهميت نه پئي ڏني وڃي جيڪڏهن خدشا دور نه ڪيا ويا ته صوبائي حڪومت کان الڳ ٿي وينداسين.

Full Article..

مشال قتل ڪيس ۾ جوابدارن کي سزائون ملڻ خلاف مذهبي جماعتن جو شديد احتجاج

مردان(م ڊ)مردان يونيورسٽي ۾ هجوم هٿان قتل ٿيل شاگرد مشال خان قتل ڪيس ۾ جوابدارن کي سزائون ملڻ خلاف مذهبي جماعتن شديد احتجاج ڪيو آهي،مردان ۾ جمع نماز کان پوءِ مختلف مذهبي جماعتن جي هزارين ڪارڪنن پاڪستان چوڪ تان ريلي ڪڍي،قاري اڪرام الحق جي اڳواڻي ۾ مظاهرين پاران مشال خان ۽ حڪومت جي خلاف شديد نعريبازي ڪئي وئي، هنن چيو ته سموري امت مسلمه سزا ماڻيندڙن سان گڏ آهي، بري ٿيلن خلاف اپيل ڪئي وئي ته سمورا روڊ بند ڪنداسين.

Full Article..

”ونٽر اولپڪس“ امن جون ثابت،اتر، ڏکڻ ڪوريا ۽ آمريڪا جا نمائندا گڏوگڏ!

سيئول (م ڊ) ڏکڻ ڪوريا ۾ ونٽر اولمپڪس شروع ٿي ويون آهن، هي رانديون پنهنجي نوعيت جون تاريخي ان ڪري به آهن جو ڪٽر دشمن اتر ڪوريا جي نمائنده جيڪا صدر ڪم جونگ ال جي ڀيڻ آهي، اها ڏکڻ ڪوريا جي صدر ۽ ٻئي دشمن ملڪ آمريڪا جي نائب صدر گڏو گڏ ويٺا. بس فاصلو هو ته رڳو ايترو جو ڪوريائي صدر جي ڀيڻ پوئين ۽ ميزبان ڏکڻ ڪوريائي صدر توڙي نائب آمريڪي صدر اڳئين قطار ۾ ويٺل هئا. انهن ۾ رڳو انچن جو فاصلو هو. هن موقعي کي تاريخي اهميت حاصل آهي ڇو جو ڏکڻ ڪوريا جي صدر جيڪا اڳڪٿي ڪئي هئي بلڪل ائين ئي ٿي رهيو آهي ۽ هي گيمز امن جون ثابت ٿي رهيون آهن ڇاڪاڻ ته ڪٽر دشمن ملڪن ۾ برف پگهرجي وئي آهي. ڪوريا جي جنگ بعد اتر ڪوريا جي صدر جي ڀيڻ ڪم يونگ نام پهريون دفعو ڏکڻ ڪوريا جي سرزمين تي قدم رکيا هئا. هن موقعي تي ڏکڻ ڪوريا جي صدر زال سوڌو هلي وڃي ڪم يونگ نام سان هٿ ملايو ۽ رات جي ماني تي به هيلو هاءِ ٿي. ڪم آمريڪي نائب صدر مائيڪ پينيس سان به ملي ها پر هن ماني تقريب ۾ دير سان شرڪت ڪئي.مبصرن موجب هي گيمز ڇڪتاڻ واري ماحول کي گهٽ ڪرڻ ۾ مدد ڏئي سگهن ٿيون.ياد رهي ته ڏکڻ ڪوريا جي صدر چيو هو ته هي گيمز امن واريون ثابت ٿينديون.

Full Article..

سينيٽ چونڊن ۾ ڪنهن هارس ٽريڊنگ جو حصو ناهيون، پي ٽي آءِ جي ووٽرن جي پ پ کي ضرورت ناهي: ناصر حسين شاهه

ڪراچي(بيورو رپورٽ) اطلاعات، ٽرانسپورٽ ۽ پورهئي واري صوبائي وزير سيد ناصر حسين شاهه چيو ته پاڪستان پيپلز پارٽي هميشه مظلوم طبقي جي ڳالهه ڪئي آهي ۽ سندن معيار زندگي کي تبديل ڪرڻ لاءِ عملي قدم کنيا آهن، ان لاءِ 10 فيبروري 1972 تي پهرين ليبر پاليسي جو اعلان ڪيو جيڪو پورهيتن جي حقن جي ضمانت جي واضح مثال آهي ۽ هاڻ اسان ٻيهر گڏيل طور تي ٽه ڌريي ليبر ڪانفرنس جي سفارش جي روشني ۾ انهي ليبر پاليسي 2018 جو اعلان 10 فيبروري 2018 تي وزيراعليٰ سنڌ جي منظوري سان ڪرڻ لاءِ وڃي رهيا آهيون. اها ڳالهه هن اڄ پنهنجي آفيس ۾ ٽه ڌريي اسٽيڊنگ ڪميٽي جي سمورن ميمبرن سان گڏيل اجلاس جي صدارت ڪندي چئي. اجلاس ۾ ڪراچي چيمبر جي صنعتڪار سراج قاسم تيلي، مجيد عزيز، ڪرامت علي، حبيب الدين جنيدي، فصيح الڪريم، زهره خان، لعل بخش ڪلهوڙو، لياقت مگسي، شفيق غني، نور الهادي، فرحت پروين، جميشد چاندي والا، پورهئي کاتي جي سيڪريٽري عبدالرشيد سولنگي، پورهئي کاتي جي ڊائريڪٽر خادم حسين ڀٽو، ڪمشنر سوشل سيڪيورٽي ڊاڪٽر نسيم الغني سهتو، پورهئي کاتي جي ايڊيشنل سيڪريٽري بخش علي مهر ۽ ٻين شرڪت ڪئي. ان موقعي تي صوبائي وزير سيد ناصر حسين شاهه چيو ته اسان جي اڳواڻن شهيد ذوالفقار علي ڀٽو، محترمه بينظير ڀٽو شهيد ۽ چيئرمين بلاول بلاول ڀٽو زرداري پورهيتن جي ڳالهه ڪري عوامي ڀلائي جا ڪم ڪيا آهن. ان پاليسي تي گڏيل طور تي اعتماد اسان جي ڪاميابي آهي ته بغير ڪنهن اختلافن جي پورهيتن جي بهتري لاءِ پاليسي تي عملدرآمد شروع ٿيندو ۽ هاڻ پاليسي کان پوءِ ضروري قانون سازي به تمام جلد ڪرائي ويندي ته جيئن پورهيتن جي حقن کي ڀرپور ضمانت ملي سگهي ۽ جنهن سان ڪاروبار ۾ تيزي ۽ صنعتن ۾ اضافو به ممڪن ٿيندو، ڇو ته صنعتي شعبي جي ترقي ملڪ جي اقتصادي حالتن کي وڌيڪ بهتر بڻائڻ ۾ مدد ڏيندي. پورهيتن جي نمائندي حبيب الدين جنيدي، ڪرامت علي به ان پاليسي کي ساراهيندي چيو ته پهريون ڀيرو تاريخ ۾ سنڌ صوبو واحد صوبو آهي جتي اها پاليسي عمل ۾ آندي پئي وڃي ۽ ضروري قانون سازي کان پوءِ پورهيتن کي تحفظ حاصل ٿيندو ۽ صنعتن جو ڦيٿو تيزي سان ڦرندو. ٻيا صوبا به ان کي پنهنجي صورتحال کي نظر ۾ رکي تائيد ڪن. مالڪن جي نمائندن مجيد عزيز ۽ سراج قاسم تيلي چيو ته اهڙي پاليسي جي تيار ٿيڻ ۾ پورهيتن، صوبائي وزير سيد ناصر حسين شاهه ۽ سندس ليبر جي مفادن جون ڪاوشون ۽ لڳاتار رابطن جي نتيجي ۾ ٺوس پاليسي عمل ۾ آئي ۽ ٻنهي ڌرين مالڪن ۽ ورڪرز هڪ ٻئي جي ڳالهه ٻڌي ۽ گڏيل طور لائحه عمل تي متفق ٿيا. پاڪستان پيپلز پارٽي ۽ سنڌ حڪومت گڏوگڏ مبارڪباد جون مستحق آهن. جي ڊي پي ۾اضافو ٿيندو ۽ ملڪي اقتصاديات ترقي ڪندو ۽ صنعتي سيڪٽر کي فروغ ملندو.

Full Article..

واٽر ڪميشن جي سربراهه پاران سکر ۾ اسڪيمن جو دورو، ميئر پاران پاڻي منصوبن بابت بريفنگ

سکر (بيورو رپورٽ) چيئرمين سنڌ واٽر ڪميشن جسٽس رٽائرڊ امير حاني مسلم سکر ۾ مختلف واٽرسپلاءِ ۽ ڊرينيج پوائنٽس جو دورو ڪندي هدايت ڪئي آهي ته ضروري بنيادي سهولتون فراهم ڪندڙ ادارن جي ملازمن جي پگهارن ۽ پينشنز کي ترقياتي فنڊن کان ڌار ڪيو وڃي ۽ ملازمن جي بائيوميٽرڪ ڪري پگهارون ۽ پينشنز بينڪن ذريعي ڏني وڃي، جڏهن ته وائيٽ ڪالر خاڪروبن خلاف سيڪشن 133 تحت ڪارروائي ڪئي وڃي. واٽرڪميشن جي چيئرمين سکر جي دوري دوران بندر روڊ، بکر آئلينڊ، ٿرمل پاور، عمرڪس واهه، سائيٽ ايريا، سعيد آباد ۾ مختلف واٽرسپلاءِ پوائنٽس جو معائنو ڪيو ۽ صفائي سٿرائي سميت ٻين معاملن جو تفصيلي جائزو ورتو. ڪميشن جي چيئرمين جسٽس رٽائرڊ امير حاني مسلم سيڪريٽري لوڪل گورنمينٽ کي چيو ته پگهارن ۽ پينشن جا فنڊ ترقياتي فنڊن کان ڌار ڪيا وڃن ۽ بائيوميٽرڪ ڪرائي ملازمن کي بينڪن ذريعي پگهارون ڏنيون وڃن، ته جيئن مڪاني ادارن ۾ ڪم کي بهتر نموني هلائي سگهجي. هُن ايڊيشنل سيشن جج روهڙي کي هدايت ڪئي ته پيئڻ جي پاڻي جي فراهمي بابت ماڻهن جون شڪايتون ٻڌي بيان موڪلي ڏئي ته جيئن ذميوارن خلاف ڪارروائي ڪري سگهجي. هُن سي ايم او روهڙي کي هدايت ڪئي ته ٽن ڏينهن اندر پاڻي جا ٽينڪ صاف ڪرايا وڃن ۽ صفائي واري عملي کان صفائي وارو ڪم ئي ورتو وڃي ۽ ان ڪم جي نگراني سول جج روهڙي ڪندو. هن سول جج کي هدايت ڪئي ته هو روزانو جي بنياد تي صفائي سٿرائي ۽ پاڻي جي فراهمي واري ڪم جي نگراني ڪري ۽ وائيٽ ڪالر توڙي ڪم نه ڪندڙ ملازمن خلاف سيڪشن 133 تحت ڪارروائي ڪئي وڃي. هن اها به هدايت ڪئي ته عمرڪس واهه جي هڪ هفتي اندر صفائي ڪرائي وڃي، ان ڏس ۾ ڪابه ڪوتاهي برداشت نه ڪئي ويندي. واٽرڪميشن جي سربراهه جسٽس رٽائرڊ امير حاني مسلم ڊپٽي ڊائريڪٽر انوائرمينٽل پروٽيڪشن ايجنسي سکر کي هدايت ڪئي ته صنعتي يونٽس جو تفصيلي دورو ڪري هڪ هفتي اندر رپورٽ موڪلي وڃي ته ڪيترن يونٽس ۾ ٽريٽمينٽ پلانٽس ۽ سيڪٽڪ ٽينڪس لڳل آهن، جڏهن ته خلاف ورزي ڪندڙن خلاف اي پي اي قانونن تحت ڪارروائي ڪئي وڃي. ڊپٽي ڊائريڪٽر ماحوليات ٻڌايو ته ڪُل 59 صنعتي يونٽس مان اڪثر يونٽس ۾ ٽريٽمينٽ پلانٽس لڳل ناهن، جنهن تي هُن ناراضگي جو اظهار ڪندي اي پي عملدارن کان پڇاڻو ڪيو ته هن وقت تائين ان ڏس ۾ ڪوبه ريفرنس ڇونه موڪليو ويو آهي؟ انهن خلاف سيڪشن 21 تحت ڪارروائي ڪئي وڃي. واٽر ڪميشن جي چيئرمين واٽرورڪس سکر فيز ون جي دوري دوران ميئر سکر کي چيو ته واٽر ورڪس فيز-1 ۾ ڪيميسٽ مقرر ڪري ليبارٽري کي فعال بڻايو وڃي ۽ عارضي بنيادن تي شاهه عبداللطيف يونيورسٽي خيرپور مان 3 ڪيميسٽ حاصل ڪري فلٽرپلانٽس جو معيار بهتر بڻايو وڃي ته جيئن ماڻهن جي زندگي بچائي سگهجي. هن وڌيڪ چيو ته واٽر ورڪس ۾ ناڪاره جنريٽرس هڪ مهيني اندر ٺيڪ ڪري بحال ڪيا وڃن ان کان علاوه پاڻي جي صفائي دوران بيڪ واشنگ ۽ برائونس جو نوزل لڳايا وڃن ۽ واٽرورڪس جي ڪارڪردگي بهتر بڻائي وڃي. جسٽس رٽائرڊ امير حاني مسلم واٽرورڪس ۾ پاڻيءَ جي صفائي ۽ فلٽريشن تي عدم اطمينان جو اظهار ڪندي چيو ته 20 ڏينهن اندر چئني ٽينڪس جي ڊي سلٽنگ ڪرائي وڃي ته جيئن صاف سٿرو پاڻي شهرين کي فراهم ٿي سگهي. واٽرڪميشن جي سربراهه مختلف ڊرينيج اسڪيمن ۽ گندن نالن جو پڻ دورو ڪيو، جتي ميئر سکر بيريسٽر ارسلان اسلام شيخ واٽر ڪميشن جي سربراهه کي ٻڌايو ته 100 ڊرينيج پوائنٽس آهن جتان بغير ٽريٽمينٽ جي گندو پاڻي درياهه ۾ ڇوڙ ڪيو وڃي ٿو، ان ڏس ۾ 550 ملين جي لاڳت سان ويسٽ واٽر اسڪيم منظور ڪرائي آهي جيڪا 30 ايڪڙن تي مشتمل هوندي ان اسڪيم ذريعي گندو پاڻي ٽريٽمينٽ کانپوءِ درياهه ۾ ڇوڙ ڪرايو ويندو. واٽر ڪميشن جي سربراهه جسٽس رٽائرڊ امير حاني مسلم سعيد آباد ڊرينيج اسڪيم جي دوري دوران ڊي آءِ جي سکر پوليس کي هدايت ڪئي ته سعيد آباد ۾ قائم ڊرينيج جي آڪسيڊيشن پانڊز جي پائيپ لائينس کي نقصان پهچائيندڙن خلاف سخت ڪارروائي ڪئي وڃي ۽ انهن خلاف ايف آءِ آر داخل ڪئي وڃي. ان موقعي تي سيڪريٽري آبپاشي مصطفيٰ جمال، ڪمشنر سکر ڊويزن محمد عثمان چاچڙ، ڊي سي سکر رحيم بخش ميتلو ۽ ٻيا لاڳاپيل اعليٰ آفيسر پڻ موجود هئا.

Full Article..

سڪار لي آئوٽ