ترڪي ۾ استنبول ايئرپورٽ تي آپگهاتي حملا، فائرنگ ۽ ڌماڪا، 38 ڄڻا مارجي ويا، 140 زخمي

استنبول (م ڊ) ترڪي ۾ ايئرپورٽ تي دهشتگردن جو حملو، ٽي آپگهاتي ڌماڪا، 38 ڄڻا مارجي ويا، 140 زخمي ٿي پيا، گڏيل قومن، آمريڪا، پاڪستان، برطانيا ۽ ٻين ملڪن پاران حملي تي ڳڻتي جو اظهار، رپورٽ موجب ترڪي جي وڏي شهر استنبول جي بين الاقوامي اتاترڪ هوائي اڏي تي ٽيڪسي ۾ آيل ٽن دهشتگردن سيڪيورٽي گارڊن کي گوليون هڻي مارڻ کانپوءِ ايئر پورٽ اندر داخل ٿيا ۽ انڌا ڌنڌ فائرنگ ڪري ڏني، هڪ آپگهاتي بمبار غير ملڪي ٽرمينل ۾ گهڙڻ جي ڪوشش ڪئي ته سيڪيورٽي گارڊ مٿس فائرنگ ڪئي، ايئر پورٽ تي موجود ماڻهو خوف سبب هيڏانهن هوڏانهن ڀڄندا رهيا ۽ خوف مان دانهون ڪرڻ لڳا، جنهن کانپوءِ آپگهاتي بمبار پاڻ کي ڌماڪي سان اڏائي ڇڏيو، ٻن آپگهاتي بمبارن ڪيتري ئي وقت تائين ڇتي فائرنگ ڪرڻ کانپوءِ پاڻ کي ڌماڪيدار مادي سان اڏائي ڇڏيو، فائرنگ ۽ آپگهاتي حملي ۾ غير ملڪين سميت 38 ڄڻا مارجي ويا، سعودي جي 7 شهرين سميت 140 ڄڻا زخمي ٿي پيا، لاش ۽ زخمين کي ايئر پورٽ ٻاهران بيٺل ٽيڪسين ذريعي اسپتال پهچايو ويو، ايمرجنسي لاڳو ڪئي وئي، اڏامون معطل ٿي ويون، سڄي ملڪ ۾ ايمرجنسي لاڳو ڪئي وئي، آپريشن مڪمل ٿيڻ کانپوءِ ترڪ وزيراعظم رجب طيب اردگان ايئر پورٽ پهتو، جتي سيڪيورٽي اهلڪارن کيس بريفنگ ڏني، ايئر پورٽ تي ميڊيا سان ڳالهائيندي ترڪ وزيراعظم چيو ته حملو ڪري ڪو نتيجو حاصل ناهي ڪيو ويو، ملڪ خلاف پروپيگنڊا ڪئي وئي آهي، حملا ظاهر ڪن ٿا ته دهشتگردي عالمي خطرو آهي، هن چيو ته حملي ۾ داعش جي ملوث هجڻ جا ثبوت مليا آهن، ترڪ وزيراعظم چيو ته حملو ڪندڙ ٽيڪسي ۾آيا هئا، هڪ سوال جي جواب ۾ هن چيو ته حملي ۾ غير ملڪي ماڻهو به مارجي ويا آهن، دهشتگردي کي مڪمل طاقت سان ختم ڪيو ويندو، حملو اهڙي وقت تي ڪيو ويو آهي، جڏهن ترڪي دهشتگردي خلاف جنگ ڪري رهيو آهي، هوڏانهن گڏيل قومن ، آمريڪا، برطانيا، پاڪستان ۽ ٻين ملڪن حملي تي ڏک جو اظهار ڪيو آهي، آمريڪا چيو آهي ته ترڪي جي هر مدد ڪرڻ لاءِ تيار آهيون، وائيٽ موجب صدر باراڪ اوباما کي حملن کان آگاهه ڪري ڇڏيو آهي،

Full Article..

ڪراچي ۾ رين ايمرجنسي لاڳو، هنگامي قدم کڻڻ جي هدايت، 44 ڪروڙ ڏنا آهن، ڪوتاهي برداشت نه ڪبي: وڏو وزير

ڪراچي (رپورٽر) ڪراچي ۾ رين ايمرجنسي لاڳو ڪئي وئي، عملي جون موڪلون رد، وڏي وزير چيو آهي ته ڪراچي جي نالن جي صفائي ۽ پاڻي نيڪال لاءِ هنگامي بنيادن تي قدم کنيا وڃن،44 ڪروڙ جاري ڪيا آهن، هاڻي ڪنهن به قسم جي ڪوتاهي برداشت نه ڪئي ويندي، چئن نالن جي هنگامي بنيادن تي صفائي جو ڪم شروع ٿي چڪو آهي جيڪو عيد جي موڪلن دوران به بند ٿيڻ نه گهرجي. هن چيو ته لوڪل باڊيز ۾ لازمي طور تي جاري چوماسي مند دوران مينهن جي پاڻيءَ جي نيڪالي لاءِ ريڊار الرٽ هئڻ گهرجي. وڏي وزير سيد قائم علي شاهه جي سربراهي ۾ رين ايمرجنسي جي حوالي سان ٿيو، اجلاس ۾ مڪاني ادرن وارو صوبائي وزير ڄام خان شورو، چيف سيڪريٽري سنڌ محمد صديق ميمڻ، بوررڊ آف روينو جو سينئر ميمبر رضوان ميمڻ، ڪمشنر ڪراچي اعجاز خان، سيڪريٽري لوڪل گورنمينٽ بقاءُالله انڙ، سيڪريٽري پي ڊي ايم اي سعيد اعواڻ، ايڊمنسٽريٽر ڪراچي لئيق احمد ۽ ڊي جي (پي ڊي ايم اي) سعيد سلمان شاهه شريڪ هئا. مڪاني ادارن واري صوبائي وزير ڄام خان شوري چيو ته هن ڪراچي ميونسپل ڪارپوريشن (ڪي ايم سي) جي سمورن ايڊمسنٽريٽرز، ڊسٽرڪٽ ميونسپل ڪارپوريشن (ڊي ايم سي) ايڊمنسٽريٽرز، ڪمشنر ۽ ڊپٽي ڪمشنرز سان گڏجي روڊن تي گشت ڪيو ۽ هاڻوڪين برساتن کانپوءِ جي صورتحال ۽ جاري ڪمن جو معائنو ڪيو. هن ٻڌايو ته شاهراهه فيصل، يونيورسٽي روڊ ۽ سينٽرل ضلعي جي ڪجهه هنڌن تي چوڪنگ آهي ۽ اتي مينهن جي پاڻي جي نيڪاسي روانيءَ سان نه پئي ٿئي. هن چيو ته اورنگي، گجر، چوڪر ۽ ڪلري نالن جي صفائيءَ وارو ڪم شروع ٿي چڪو آهي جڏهن ته 26 نالن تي ڪم عيد کانپوءِ ترت شروع ڪيو ويندو ۽ نالن جي صفائي جو ڪم ايندڙ ڇهن مهينن تائين جاري رهندو ۽ انهن سمورن نالن جي مڪمل طور صفائي ڪئي ويندي. سنڌ جي وڏي وزير سيد قائم علي شاهه مڪاني ادارن واري وزير کي هدايت ڪئي ته هُو نالن سان گڏ قائم حددخلين جي خاتمي لاءِ جامع رٿابندي جوڙي. صوبائي وزير ڄام خان شوري چيو ته ڪالهه شام کان شروع ٿيل مينهن سبب ڪي-اليڪٽرڪ جا فيڊر ٽرپ ٿي ويا هئا جنهن سبب ڌاٻيجي ۽ پپري پمپنگ اسٽيشن تي موٽرون ۽ ٻين اليڪٽرڪ مشنريءَ کي وڏو نقصان پهتو. پپري پمپنگ اسٽيشن کي بحال ڪيو ويو آهي جڏهن ته ڌاٻيجي پمپنگ اسٽيشن تي به بحاليءَ وارو ڪم جاري آهي. سنڌ جي وڏي وزير چيو ته روڊ تي پاڻيءَ جي بيهڻ جون رپورٽس آهن جنهن ڪارڻ شهر ۾ ماڻهو ڏکيائين کي منهن ڏئي رهيا آهن. ڊي ايم سيز کي مينهن جي پاڻيءَ جي نيڪاليءَ لاءِ جنريٽرز هائير ڪرڻ لاءِ خاطر خواهه فنڊز ڏنا آهن ۽ هر ڊي ايم سي کي پنهنجن پنهنجن لاڳاپيل علائقن ۾ نالن جي صفائي ۽ ٻين خرچن لاءِ 10 ملين رپيا فراهم ڪيا ويا هئا. هن مڪاني ادارن واري صوبائي وزير کي هدايت ڪئي ته هُو ذاتي طور تي انهن ڪمن جو معائنو ڪري. سنڌ جي وڏي وزير شهر ۾ ڊگهي بجليءَ جي بندش جو نوٽيس ورتو، جنهن سبب شهرين کي ڪيترن کي مسئلن کي منهن ڏيڻو پيو. هن چيو ته مون ڪي-اليڪٽرڪ اٿارٽيز سان گڏجاڻي ڪئي هئي ۽ انهن ٻڌايو هو ته هنن پنهنجي ٽرانسميشن ۽ ڊسٽريبيوشن واري نظام کي اپ-گريڊ ڪيو آهي، جيڪڏهن انهن جو نظام اپ-گريڊ ٿي ويو هو ته پوءِ شهر ۾ برسات پوڻ شرط ئي بجلي ڇو بند ٿي ويئي. هن توانائيءَ واري سيڪريٽري کي هدايت ڪئي ته هُو ڪي-اليڪٽرڪ سان ڳالهائي ۽ انهن تي زور ڀري ته اهي پنهنجو سسٽم کي بهتر ڪن. مڪاني ادارن واري صوبائي وزير ڄام خان شوري وڏي وزير کي ٻڌايو ته پاڻي ۽ بجلي واري وزارت جي اجازت سان اٽڪل 25 ايم جي ڊي پاڻي حب ڊيم مان پمپ ڪيو ويو ۽ اهُو پاڻي اولهه ضلعي ۽ ٻين علائقن کي فراهم ڪيو پيو وڃي. هوڏانهن ڪراچي ۾ ٻن ڏينهن جاري برسات کانپوءِ رين ايمرجنسي لاڳو ڪئي وئي آهي، عملي جون موڪلون رد ڪيون ويون آهن، جڏهن ته لاڳاپيل ادارن کي الرٽ رهڻ جي هدايت ڪئي وئي آَهي، عملدارن کي هدايت ڪئي وئي آهي ته هو پنهنجن پنهنجن علائقن ۾ پاڻي جي نيڪال ۽ صفائي سٿرائي لاءِ قدم کڻن.

Full Article..

نواز حڪومت بجلي جي لوڊشيڊنگ ڪري سنڌ جي عوام کي انتقامي ڪارروائي جو نشانو بڻائي رهي آهي: بلاول ڀٽو

ڪراچي (رپورٽر)پاڪستان پيپلزپارٽي جي چيئرمين بلاول ڀٽو زرداري چيو آهي ته نوازحڪومت بجلي جي لوڊشيڊنگ کي سنڌ جي عوام کي انتقامي ڪارروائي جو نشانو بنائڻ لاءِ استعمال ڪري رهي آهي،اهڙيون پاليسيون فيڊريشن کي نقصان پهچائن پيون، بلاول هائوس ۾ سينيٽر اسلام االدين شيخ، ايم پي اي اڪرام الله ڌاريجو ۽ ڊاڪٽر بهادر ڏاهري سان ڌار ڌار ملاقاتن دوران ڳالهائيندي چيئرمين بلاول ڀٽو زرداري چيو ته سکر کان ٺٽي تائين ۽ ڪراچي کان ٿر تائين تقريبن پوري سنڌ ۾ روزانو 18 کان 20 ڪلاڪ بجلي جي لوڊشيدنگ سنڌ جي ماڻهن کي پيپلزپارٽي سان گڏ بيهڻ جي سزا جي هٿرادو ڪوشش آهي، سينيٽر اسلام الدين شيخ ۽ ٻين اڳواڻن چيئرمين بلاول ڀٽو زرداري کي پنهنجن پنهنجن علائقن ۾ هلندڙ ترقياتي ڪمن ۽ سياسي صورتحال بابت بريفنگ ڏني ۽ پنهنجن علائقن ۾ بجلي جي هٿرادو ڊگهي لوڊشيڊنگ جي صورتحال بات شڪايت پيش ڪئي، بلاول ڀٽو زرداري نواز حڪومت جي عوام لاءِ تعصب پرست پاليسي تي تنقيد ڪندي چيو ته پيپلزپارٽي، ان جي قيادت ۽ ڪارڪن اهڙين پاليسين جي سختي سان مخالفت ڪندا.

Full Article..

دهشتگردن جو اسلام سان ڪو به تعلق ناهي، اهي انسانيت جا دشمن آهن: خورشيد احمد شاهه

اسلام آباد (بيورو رپورٽ) قومي اسيمبلي ۾ اپوزيشن ليڊر سيد خورشيد احمد شاهه ترڪي بم ڌماڪن جي شديد لفظن ۾ مذمت ڪندي چيو آهي ته دهشتگردن جو اسلام سان ڪو به تعلق ناهي، اهي انسانيت جا دشمن آهن، پنهنجي جاري ڪيل بيان ۾ سيد خورشيد احمد شاهه چيو آهي ته ترڪي بم ڌماڪن ۾ قيمتي انساني جانيون ضايع ٿيڻ تي ڏک آهي، غم جي هن گهڙي ۾ اتان جي عوام سان گڏ آهيون.ايئرپورٽ تي بم ڌماڪا ڪري بيگناهه جانيون جو ذيان ڪيو ويو آهي، جيڪو عمل انتهائي افسوس جوڳو آهي. سيد خورشيد احمد شاهه وڌيڪ چيو ته دهشتگردي خلاف جنگ ۾ پاڪستان تمام گهڻيون قربانيون ڏنيون آهن،آپريشن ضرب عضب سبب دهشتگردن جي چيلهه چٻي ٿي پئي آهي.آپگهاتي بمبار انسانيت جا دشمن آهن، انهن جو اسلام سان پري پري تائين تعلق ناهي، ان کي اسلام سان نه ڳنڍيو وڃي. دهشتگرد مذهبي نه ٿا ٿي سگهن.

Full Article..

عالمي برادري کي افغان مهاجرن جي وطن واپسي ۽ ٻيهر آبادڪاري ۾ مدد ڪرڻ گهرجي: مليحه لوڌي

 اسلام آباد (بيورو رپورٽ) گڏيل قومن ۾ پاڪستان جي سفير مليحا لوڌي جو چوڻ آهي ته عالمي برادري کي افغان مهاجرين جي وطن واپسي ۽ ٻيهر آبادڪاري جي لاءِ پاڪستان ۽ افغانستان جي مدد ڪرڻ گهرجي.مليحا لوڌي جو چوڻ آهي ته قدرتي آفتن جي نتيجي ۾ بي گهر ٿيندڙن جو انگ ساڍا 6 ڪروڙ ٿي چڪو آهي.اڄ دنيا جي مختلف حصن ۾ رڪارڊ 13 ڪروڙ ماڻهن کي انساني همدردي جي امداد جي ضرورت آهي.سندس چوڻ هو ته عالمي برداردي کي پاڪستان جي گهڻي عرصي تائين افغان مهاجرين جي ميزباني ڪرڻ تي وکاڻ ڪرڻ گهرجي،مهاجرن جو مسئلو حل ٿيڻ سان ڪيترائي مسئلا حل ٿي ويندا.

Full Article..

اسلام ڪوٽ ۽ ڀرپاسي سانوڻي جو پهريون وسڪارو،مرجهايل چهرن تي مرڪون

اسلام ڪوٽ(رپورٽر) ااسلام ڪوٽ ۽ ڀر پاسي سانوڻي جي برسات جو  پهريون زوردار وسڪارو ماروئڙن جي مرجهايل چهرن تي مرڪون موٽي آهيون موسم خوشگوار هڪ ڳوٺ ۾ وڄ ڪرڻ سبب 17 ٻڪريون  سڙي ڪوئلو ٿي ويون،تفصيل موجب: ڪالھ اسلام ڪوٽ سميت ڀر پاسي جي مختلف ڳوٺن ميمڻ جو تڙ جوڳلار ٻاراچ راڻا ترائي هوٿيجوتڙ  کانکڻهار بجير سميت ڪيترن ئي ڳوٺن تي تيز هوا سان گجگوڙ وارو سانوڻي برسات جو اڌ ڪلاڪ تائين وسڪارو ٿيو جنهن سبب گرمي جو زور ٽٽي ويو ۽ موسم خوشگوار ٿي ويئي مسلسل ڇار سالن جي ڏڪار بعد زوردار برسات پوڻ سبب ماروئڙن جي مرجهايل چهرن تي مرڪون موٽي آهيون جڏهن ته اسلامڪوٽ جي ڳوٺ ڏونجھ ۾ وڄ ڪرڻ جي نتيجي ۾ هڪ ڳوٺاڻي زڪريه جوڻيجي جون 17 ٻڪريون سڙي ڪوئلو ٿي ويون واضع رهي ته گذريل ٽي ڏينهن دوران مختلف ڳوٺن ۾ وڄ ڪرڻ جي نتيجي ۾ ڳوٺاڻن جون 60 کان  مٿي ٻڪريون ۽ رڍون سڙي ڪوئلو ٿي ويون آهن.تاڙي پکي جي تنوار ۽ مورن جا ٽهوڪا جلد برسات اچڻ جون نشانيون اڄ به ٿر ۾ مشهور بڻيل آهن،تاڙو پکي جيڪو رات جو آسمان تي ٻوليندو آهي ۽ مور به ٽهوڪا ڪن ته ٿر واسي سمجهندا آهن ته جلد برسات اچڻ واري آهي،جڏهن ٻيون وري ماڪوڙيون پنهنجا ننڍا ننڍا ٻچا منهن وات ۾ کڻي ويندي نظر اچن ته اهو به برسات اچڻ جي نشاني چئبي آهي،انهي کانسوا۽ اُتر کان هوائون لڳڻ بعد جلد ٻن ٽن ڏينهن کان برسات ايندي آهي،جڏهن ته ٿر ۾ ايندڙ برسات جو سلسلو جيڪو ڀارت جي علائقي گجرات کان شروع ٿيندو آهي،گجرات ۾ شروع ٿيندڙ برسات ٽن ڏينهن ۾ ٿر اندر داخل ٿيندي آهي،ٿر واسي جهونن وڏڙن موجب جڏهن جانور ڍڳيون واپس گهرن طرف منهن ڪري بيهن ۽ ڍڳين جي بدن تي گهڻو ميل چڙهندو آهي اُهو به برسات اچڻ جي نشاني هجي ٿي،اهڙي حوالي سان ٿري ماڻهن جي پنهنجي اڳڪٿي موسميات کاتي کان به سچي ثابت ٿيندي آهي،برسات جا ڏينهن ويجها اچڻ سان ٿري واسين کي موسم جي تبديل ٿيڻ سان برسات جا آثار نظر ايندا آهن،

Full Article..

سڪار لي آئوٽ